ອາເມລິກາອາດມີຄົນເສຍຊີວິດຈາກໂຄວິດເຖິງ 200.000 ຄົນ

1428

ຫົວໜ້າ ຊຽ່ວຊານດ້ານພະຍາດ ຂອງ ສະຫະລັດ ຄາດຄະເນວ່າ ສາຫະລັດອາເມລິກາອາດມີຄົນເສຍຊີວິດຍ້ອນໂຄວິດ-19 100.000-200.000 ຄົນ.
ປະຈຸບັນໃນປະເທດດັ່ງກ່າວມີຜູ້ຕິດເຊື້ອແລ້ວ 122.653 ແລະ ເສຍຊີວິດແລ້ວ 2.112 ຄົນ.
ປະທານາທິບໍດີ ໂດໂນ ທຣຳ ໄດ້ຕໍ່ ເວລາ ໃຫ້ຄົນອາເມລິກາ ຮັກສາໄລຍະຫ່າງທາງສັງຄົມ ອອກໄປອີກ ໜຶ່ງເດືອນ – ຈົນຮອດວັນທີ 30 ເມສາ ແລະ ກ່າວວ່າ ຢາຕ້ານມາລາເລຍ “ໄຮໂດຣໄຊໂຄຼໂຣຄວີນ” ສາມາດປິ່ນປົວພະຍາດໂຄວິດ 19 ໄດ້.
ຫລາຍກວ່າ 30.000 ຄົນໄດ້ເສຍຊີວິດໃນທົ່ວໂລກຈາກເຊື້ອໄວຣັດນີ້.
ປະເທດແອສະປາຍມີຜູ້ເສຍຊີວິດເພີ່ມຂຶ້ນອີກ 838 ຄົນ ໃນວັນເສົາຜ່ານມາ. ສ່ວນອັງກິດ ເສຍຊິວິດເພີ່ມອີກ 209 ຄົນ ເຮັດໃຫ້ ຈຳນວນຜູ້ເສຍຊີວິດເພີ່ມຂຶ້ນເປັນ 1.228 ຄົນ. ນາຍົກລັດຖະມົນຕີ ອັງກິດ Boris Johnson ອອກມາກ່າວວ່າສິ່ງຕ່າງໆຈະໜັກໜ່ວງກວ່າເກົ່າກ່ອນທີ່ມັນຈະດີຂື້ນ.
ອົດສະຕາລີ ສັ່ງຫ້າມບໍ່ໃຫ້ມີການຊຸມນຸມກັນເກີນ ສອງຄົນ. ສະຖານທີ່ຫຼິ້ນຂອງເດັກນອ້ຍ, ບ່ອນອອກກຳລັງກາຍກາງແຈ້ງ ແລະ ສວນສາທາລະນະຈະປິດ ນັບແຕ່ ວັນຈັນ ເປັນຕົ້ນໄປ.
ປະເທດອີຕາລີ ລາຍງານວ່າ ມີຜູ້ເສຍຊີວິດ ໃໝ່ 756 ຄົນໃນ 24 ຊົ່ວໂມງຜ່ານມາເຊິ່ງເຮັດໃຫ້ ຈຳນວນ ຜູ້ເສຍຊີວິດມີ ທັງໝົດ 10.779 ຄົນ.
ສຳນັກຂ່າວເອເອຟພີ ລາຍງານວ່າ ປະເທດຝຣັ່ງ ມີຜູ້ເສຍຊີວິດ ໃໝ່ 292 ຄົນ ເຮັດໃຫ້ ມາຮອດປະຈຸບັນຝຼ່ງມີຜູ້ເສຍຊີວິດ ຈາກພະຍາດໂຄວິດທັງໝົດ 2.606 ຄົນ.
ແຫລ່ງຂ່າວ:ບີບີຊີ