ນາຍົກລັດຖະມົນຕີອັງກິດ ຕິດໄວຣັດໂຄວິດ-19

3709

ສຳນັກຂ່າວຕ່າງປະເທດລາຍງານເມື່ອວັນທີ 27 ມີນາ 2020 ວ່າ ນາຍົກລັດຖະມົນຕີ ບໍລິສ ຈອນສັນ ຂອງອັງກິດຕິດເຊື້ອໄວຣັດໂຄວິດ-19 ແລະຢູ່ລະຫວ່າງການກັກຕົວເພື່ອເຝົ້າຕິດຕາມອາການ ແລະຢູ່ໃນການເບິ່ງແຍງຂອງຄະນະແພດ ແຕ່ທ່ານຍັງຄົງປະຕິບັດຫນ້າທີ່ຜູ້ນຳລັດຖະບານ ໂດຍສັ່ງວຽກຜ່ານລະບົບປະຊຸມຜ່ານຈໍພາບ

ທາງດ້ານໂຄສົກປະຈຳສຳນັກງານນາຍົກລັດຖະມົນຕີກ່າວວ່າ ທ່ານຈອນສັນ ອາຍຸ 55 ປີ ມີອາການຕິດເຊື້ອເມື່ອວັນພະຫັດທີ່ຜ່ານມາ ຫນຶ່ງວັນຫລັງຈາກເຂົ້າປະຊຸມສະພາ ໃນນະຄອນລອນດອນ ທ່ານຈອນສັນເຂົ້າຮັບການກວດຈາກແພດ ແລະການກວດມີຂື້ນທີ່ທຳນຽບນາຍົກລັດຖະມົນຕີ ໂດຍຄະນະແພດຈາກສຳນັກງານສາທາລະນະສຸກແຫ່ງຊາດ ຊຶ່ງຜົນກວດອອກມາເປັນບວກ ຫລືຫມາຍເຖິງຕິດເຊື້ອໄວຣັດໂຄວິດ-19