ປິ້ງໄກ່ນາປົ່ງ ປິດຮ້ານ ໃຫ້ພະນັກງານພັກຕິດຕາມ 14 ວັນ ຫລັງຈາກຜູ້ຕິດເຊື້ອໂຄວິດ-19 ມາບໍລິການ

18667

ຫລັງຈາກຊາບວ່າ ມີຜູ້ຕິດເຊື້ອ Covid-19 ໄດ້ມາໃຊ້ບໍລິການຢູ່ຮ້ານປີ້ງໄກ່ນາປົ່ງສາຂາ(ສີບຸນເຮືອງ) ກິນເຂົ້າບໍ່ຮອດ 1 ຊົ່ວໂມງ ໃນວັນທີ 21 ມີນາ 2020 ຜ່ານມານັ້ນ ເຈົ້າຂອງຮ້ານ ນຳໃຊ້ມາດຕະການປ້ອງກັນ ແລະ ຕອບໂຕ້ພະຍາດດັ່ງກ່າວ ເພື່ອບໍ່ເປັນການປະຫມາດ ໄດ້ມີການ ປິດຮ້ານ, ສີດພົ່ນຂ້າເຊື້ອ ແລະ ໃຫ້ພະນັກງານກັກກັນໂຕເອງຢູ່ບ້ານ 14 ວັນ ແລະ ຕິດຕາມອາການເປັນໄລຍະ.

ຢ່າງໃດກໍຕາມ ເຈົ້າຂອງຮ້ານເປີດເຜີຍວ່າ: ກ່ອນຫນ້ານີ້ ຕອນທີ່ພະຍາດລະບາດຢູ່ປະເທດຈີນ ພວກເຮົາໄດ້ມີການຝຶກອົບຮົມ ໃຫ້ຄວາມຮູ້ແກ່ພະນັກງານ ເພື່ອໃຫ້ຮູ້ຈຸດສ່ຽງ,ຄວາມສ່ຽງ ແລະ ວິທີປ້ອງກັນໃຫ້ແກ່ພະນັກງານ ຊ່ວຍໃຫ້ພະນັກ ງານມີສະຕິ ແລະ ຮັບມືໄດ້ໃນລະດັບຫນຶ່ງ.

ຂ່າວ : ຂປລ