4 ປະເທດອາຊຽນທີ່ບໍ່ພົບຜູ້ຕິດເຊື້ອໂຄວິດ-19.

35506

ຕາມການລາຍງານຈາກອົງການອະນາໄມໂລກເມື່ອວັນທີ 4 ມີນານີ້ວ່າ: ປັດຈຸບັນມີຜູ້ຕິດເຊື້ອໂຄວິດແລ້ວຫຼາຍກວ່າ 80 ປະເທດທົ່ວໂລກ ມີຜູ້ຕິດເຊື້ອແລ້ວ 90 ພັນກວ່າຄົນ, ເສຍຊີວິດແລ້ວ 3 ພັນກວ່າຄົນ ໃນນັ້ນປະເທດທີ່ມີຜູ້ຕິດເຊື້ອຮອງຈາກຈີນມີ: ສ.ເກົາຫຼີ 5,3 ພັນກວ່າຄົນ ເສຍຊີວິດ 28 ຄົນ, ອີຕາລີ 2,5 ພັນກວ່າຄົນ ເສຍຊີວິດ 79 ຄົນ, ອີຣານ 2,3 ພັນກວ່າຄົນ ເສຍຊີວິດ 77 ຄົນ. ບັນດາປະເທດຕາເວັນອອກສຽງໃຕ້ ມີ 7 ປະເທດທີ່ຕິດເຊື້ອ ຄື: ສິງກະໂປ 110, ໄທ 43, ມາເລເຊຍ 36, ຫວຽດນາມ 16, ກຳປູເຈຍ 1, ຟີລິບປິນ 3, ອິນໂດເນເຊຍ.

ສ່ວນປະເທດທີ່ບໍ່ພົບຜູ້ຕິດເຊື້ອມີ 4 ປະເທດຄື: ລາວ, ມຽນມາ, ບຣູໄນ ແລະ ຕີມໍ. ເຖິງຢ່າງໃດກໍຕາມບັນດາປະເທດທີ່ບໍ່ພົບຜູ້ຕິດເຊື້ອແມ່ນໄດ້ເຂັ້ມງວດຄວບຄຸມ ແລະກຽມຄວາມພ້ອມໃນການກຳຈັດເຊື້ອດັ່ງກ່າວເຖິງທີ່ສຸດ. ສະເພາະລາວເຮົາ ຖືເປັນປະເທດໜຶ່ງທີ່ເອົາໃຈໃສ່ ແລະປະຕິບັດຕາມຄຳແນະນຳຂອງອົງການອພນາໄມໂລກ ແລະໄດ້ງົດການໂຮມຊຸມນຸມທີ່ມີຄວາມສ່ຽງແລ້ວຫຼາຍງານ ເຊິ່ງຖາກລັດ ແລະເອກະຊົນກໍໄດ້ເອົາໃຈໃສ່ເຂັ້ມງວດ ພ້ອມກັນປະຕິບັດໄດ້ເປັນຢ່າງດີ.