ສາເຫດທີ່ແພດໝໍລາວ ມີຄວາມຈໍາເປັນຕ້ອງໄດ້ເປີດເຜີຍຊື່ ແລະ ທີ່ຢູ່ ຂອງຜູ້ຕິດເຊື້ອ ໂຄວິດ-19

ໃນໂອກາດຖະແຫຼງຂ່າວຕໍ່ສື່ມວນຊົນ ໃນຕອນແລງວັນທີ 25 ມິນາ 2020 ນີ້ ທີ່ກະຊວງສາທາລະນະສຸກ, ນະຄອນຫຼວງວຽງຈັນ, ທ່ານພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ໄດ້ຕອບຂໍ້ຂ້ອງໃຈຂອງນັກຂ່າວ ເຖິງກໍລະນີທີ່ຕ້ອງໄດ້ເປີດເຜີຍຊື່ ແລະ ທີ່ຢູ່ຂອງຄົນເຈັບທີ່ຕິດເຊື້ອພະຍາດໂຄວິດ-19 ວ່າ: ພວກເຮົາຕ້ອງຂໍອະໄພກັບຄອບຄົວຂອງຄົນເຈັບທີ່ຕິດເຊື້ອພະຍາດໂຄວິດ-19 ໃນກໍລະນີທີ່ຕ້ອງໄດ້ເປີດເຜີຍຊື່ ແລະ ຂໍ້ມູນບາງຢ່າງກ່ຽວກັບຄົນເຈັບທີ່ຕິດພະຍາດຮ້າຍແຮງ; ແຕ່ໂດຍທຳມະດາທົ່ວໄປແລ້ວ, ແພດໝໍຂອງພວກເຮົາ ແມ່ນມີຈັນຍາບັນຂອງຕົນ ໃນການປົກປ້ອງຄວາມລັບ ແລະ ສິດທິຂອງຄົນເຈັບທົ່ວໄປທຸກໆຄົນ ຍົກເວັ້ນແຕ່ໃນກໍລະນີມີການລະບາດຂອງພະຍາດຮ້າຍແຮງ ເໝືອນດັ່ງໃນຄັ້ງນີ້, ຖ້າຜູ້ໃດຫາກປົກປິດຄວາມຈິງ ກໍ່ຈະຖືກປະຕິບັດວິໄນ ແລະ ຮັບໂທດຕາມລະບຽບກົດໝາຍຂອງບ້ານເມືອງຢ່າງເຂັ້ມງວດ, ເຊິ່ງກົດໝາຍວ່າດ້ວຍການຄວບຄຸມພະຍາດຕິດຕໍ່ ກໍ່ໄດ້ມີຂໍ້ກໍານົດໄວ້ຢ່າງຈະແຈ້ງຢູ່ແລ້ວ. ວິທະຍຸ ກະຈາຍສຽງແຫ່ງຊາດ

ອຸບັດຕິເຫດ ! ລົດກະບະເສຍຫລັກປີ້ນລົງຂ້າງທາງ.

ລາຍງານຈາກປະຊາຊົນໃຫ້ຮູ້ວ່າ ໃນຕອນເຊົ້າຂອງວັນທີ 4 ມີນາ 2020 ໄດ້ເກີດອຸບັດເຫດ ລົດກະບະປ້າຍທະບຽນ 2649 ແຂວງຄຳມ່ວນ ເສຍຫລັກປີ້ນລົງຂ້າງທາງ ຢູ່ເສັ້ນທາງເຂດບ້ານນາກາຍໃຕ້ ເຊິ່ງລົດຄັນດັ່ງກ່າວກຳລັງເດີນທາງ ໄປຫົວພູ ເມືອງນາກາຍ ແຂວງຄຳມ່ວນ ຈຸດເກີດເຫດພົບເຫັນຜູ້ໄດ້ຮັບບາດເຈັບ 1 ຄົນເປັນ ເພດຊາຍ ສ່ວນລົດໄດ້ຮັບຄວາມເສຍຫລາຍຫລາຍສົມຄວນ

ບົດຄວາມແນະນຳ